Երևան`   +5 °C
Այսօր`   Երեքշաբթի, 19 մարտի, 2024 թ.

Հունգարիան՝ Եվրոմիության ամենակոռումպացված երկիր․ #Bloomberg

2178
Երեքշաբթի, 31 հունվարի, 2023 թ., 23:54
Հունգարիան՝ Եվրոմիության ամենակոռումպացված երկիր․ #Bloomberg

Հունգարիան ճանաչվել է Եվրոմիության ամենակոռումպացված երկիրը։ Այս մասին հայտնում է Bloomberg-ը՝ հղում անելով Transparency International ոչ կառավարական միջազգային կազմակերպության զեկույցին։
Գործակալության տվյալներով՝ 180 երկրների կոռուպցիայի համաշխարհային վարկանիշում Հունգարիան նահանջել է 4 տեղով՝ զբաղեցնելով 77-րդ տեղը։ Նշվում է, որ երկիրը հինգ հորիզոնականով զիջել է Բուլղարիային և այժմ հավասարվել է Բուրկինա Ֆասոյին: Ըստ վարկանիշի՝ որքան ցածր է երկրի զբաղեցրած գիծը, այնքան ավելի լուրջ է նրանում կոռուպցիայի հետ կապված իրադրությունը։
Ըստ Bloomberg-ի՝ Հունգարիայի կառավարությունը, որը 2022 թվականին ստեղծել է անկախ մարմին՝ երկրում կաշառակերության դեմ պայքարելու համար, պաշտոնապես հերքել է Transparency International-ի զեկույցը՝ այն անվանելով «քաղաքականապես կողմնակալ»: