Երևան`   0 °C
Այսօր`   Ուրբաթ, 03 փետրվարի, 2023 թ.

ԵՄ-ն նախատեսում է գագաթնաժողով անցկացնել Թուրքիայում՝ նվիրված Ուկրաինայի պատերազմին

866
Երկուշաբթի, 23 հունվարի, 2023 թ., 21:42
ԵՄ-ն նախատեսում է գագաթնաժողով անցկացնել Թուրքիայում՝ նվիրված Ուկրաինայի պատերազմին

Թուրքիայում Եվրոմիության պատվիրակության ղեկավար Նիկոլաուս Մեյեր-Լանդրութը երկուշաբթի օրը հայտարարել է, որ փետրվարի 22-ին Ստամբուլում մեծ գագաթնաժողով կանցկացվի՝ նվիրված ռուս-ուկրաինական պատերազմի ակտիվ փուլի տարեդարձին, հաղորդում է Anadolu գործակալությունը։

Նա նշել է, որ միջոցառմանը կհրավիրվեն Կիևի և Ստամբուլի ներկայացուցիչներ, որտեղ կքննարկվեն Ուկրաինայի դեմ Ռուսաստանի պատերազմի «աշխարհաքաղաքական և տնտեսական հետևանքները»։

«Սա նաև Ուկրաինային մեր աջակցությունն արտահայտելու միջոց է։ Անցյալ տարվա փետրվարի 24-ը՝ ռուսական ագրեսիայի սկիզբը, որոշիչ պահ էր եվրոպական պատմության մեջ։ Եվրոպական պատմությունը մեր ընդհանուր աշխարհագրությունն է»,- լրագրողներին ասել է ԵՄ դեսպանը։