Երևան`   +11 °C
Այսօր`   Հինգշաբթի, 28 մարտի, 2024 թ.

Էրդողանն ասել է, որ Շվեդիան իզուր թող չսպասի Թուրքիայի բարեհաճությանը

1332
Երկուշաբթի, 23 հունվարի, 2023 թ., 21:24
Էրդողանն ասել է, որ Շվեդիան իզուր թող չսպասի Թուրքիայի բարեհաճությանը

Շվեդիայում հակաիսլամական գործողություններից հետո նա չպետք է սպասի Թուրքիայի բարեհաճությանը ՆԱՏՕ-ին անդամակցելու համար։ Այս մասին հայտարարել է Թուրքիայի նախագահ Ռեջեփ Թայիփ Էրդողանը։
Ավելի վաղ ծայրահեղ աջ «Դժվար դասընթաց» կուսակցության կողմնակիցները ցույց են անցկացրել Ստոկհոլմում Թուրքիայի դեսպանատան դիմաց, որի ժամանակ հրապարակայնորեն այրվել է Ղուրանը։ Ակցիայի կազմակերպիչներից էր շվեդ աջ քաղաքական գործիչ Ռասմուս Պալուդանը։ Շվեդիայի վարչապետ Ուլֆ Քրիսթերսոնն այդ գործողությունն անվանել է օրինական, բայց՝ ոչ տեղին:
«Եթե թույլ եք տալիս նման գործողություններ, ապա, նեղանալ չլինի, բայց ՆԱՏՕ-ին անդամակցելու հարցում մեզնից աջակցություն չեք ստանալու։ Շվեդիայի ղեկավարությունը չպետք է ակնկալի մեր աջակցությունը»,- ասել է Էրդողանը կառավարության նիստի ժամանակ։
Նա հավելել է, որ և՛ կազմակերպիչները, և՛ նրանք, ովքեր դա թույլ են տվել, պետք է պատասխան տան իրենց գործողությունների համար։