Երևան`   -7 °C
Այսօր`   Ուրբաթ, 27 հունվարի, 2023 թ.

«Ամենատրամաբանական վարկածներից մեկն այն է, որ զորանոցը խոցել է ԱԹՍ-ն». Թագուհի Թովմասյան

111
Երկուշաբթի, 23 հունվարի, 2023 թ., 18:36
«Ամենատրամաբանական վարկածներից մեկն այն է, որ զորանոցը խոցել է ԱԹՍ-ն». Թագուհի Թովմասյան

ԱԺ պատգամավոր Թագուհի Թովմասյանն Ա1+-ին տված հարցազրույցում անդրադարձել է հունվարի 19-ին Գեղարքունիքի մարզում տեղակայված զորամասի ինժեներասակրավորային վաշտի կացարանում բռնկված հրդեհի դեպքին, որի հետևանքով 15 զինծառայող զոհվեց. «Կարծում եմ՝ ամենատրամաբանական վարկածներից մեկն այն է, որ այդ զորանոցը խոցել է անօդաչու թռչող սարքը՝ առանց ձայնի, որ միանգամից հրդեհ է բռնկվել, այսինքն՝ հզոր պայթյուն չի եղել: Ես այդ տները շատ լավ պատկերացնում եմ, շատ հաճախ եմ լինում այդ հատվածներում, փայտե տանիքով տներ են և վառվելը վայրկյանների հարց կարող է լինել»,- տեսակետ է հայտնել պատգամավորը:

Ըստ Թովմասյանի՝ նախաքննական մարմինը գնում է այն ուղղությամբ, որով ուղղորդեց Նիկոլ Փաշինյանը, և բացառապես քննում են սպայի կողմից հրդեհի վարկածը. «Գուցե դա է ճիշտ վարկածը, բայց պետք է քննություն իրականացվի, այլ ոչ թե միանգամից դա հրամցվի որպես բացարձակ ճշմարտություն»,- շեշտել է նա:

«Ամենատրամաբանական վարկածներից մեկն այն է, որ զորանոցը խոցել է ԱԹՍ-ն». Թագուհի Թովմասյան