Երևան`   +13 °C
Այսօր`   Հինգշաբթի, 28 մարտի, 2024 թ.

«ՀՀ իշխանությունները չգիտեն՝ որ ուժի հետ ինչպես կարելի է խոսել»․ Աննա Գրիգորյան

643
Ուրբաթ, 13 հունվարի, 2023 թ., 16:24
«ՀՀ իշխանությունները չգիտեն՝ որ ուժի հետ ինչպես կարելի է խոսել»․ Աննա Գրիգորյան

ԱԺ «Հայաստան» խմբակցության պատգամավոր Աննա Գրիգորյանը Factor TV-ի եթերում, խոսելով Արցախի շրջափակման հետևանքով ստեղծված իրավիճակում ՌԴ-ից սպասվելիք քայլերի մասին, ասել է․ «Ռուսաստանն ունի ուղղակի պարտավորվածություններ, և հայկական կողմը ոչ թե թիրախավորելով և վիրավորելով պետք է զբաղվի, այլ բոլոր խողովակները՝ պետական, դիվանագիտական, պիտի օգտագործի՝ հասնելու ճանապարհի բացման նպատակին»։
Ըստ Գրիգորյանի՝ ՀՀ իշխանությունները չգիտեն՝ որ ուժի հետ ինչպես կարելի է խոսել, որովհետև չեն հասկանում, թե որոնք են այդ ուժերի շահերը․ «ՌԴ-ին միջանցքը փակ պահելը չի կարող ձեռնտու լինել, որովհետև դա ուղիղ հարված է իր խաղաղապահ կոնտինգենտի՝ այնտեղ տեղակայվելուն։ Երբ միջանցքը փակ է, հետո բացում են, ավելի շատ հայեր կարող են դուրս գալ Արցախից, դա հարցականի տակ է դնում զորակազմի՝ հետագայում այնտեղ մնալու հանգամանքը»,- նշել է նա։
Պատգամավորի պնդմամբ՝ պետք չէ ռուսներին թիրախավորել, աշխարհաքաղաքական նման դասավորության մեջ նրանց հեռանալուց հետո չի լինի երկրորդ ուժ, որ ցանկություն կհայտնի տեղակայել իր զորքերը։

«ՀՀ իշխանությունները չգիտեն՝ որ ուժի հետ ինչպես կարելի է խոսել»․ Աննա Գրիգորյան