Ուկրաինայի զինված ուժերն արդեն ազատագրել են փետրվարի 24-ից հետո օկուպացված տարածքների 40%-ը

2022 թվականի վերջի դրությամբ Ուկրաինայի պաշտպանության ուժերը փետրվարի 24-ից հետո ազատագրել են Ռուսաստանի կողմից օկուպացված Ուկրաինայի տարածքների 40%-ը։

Այս մասին Ukrinform-ին տված մեկնաբանությունում ասել է Ուկրաինայի Զինված ուժերի Գլխավոր շտաբի գլխավոր օպերատիվ տնօրինության ղեկավարի տեղակալ, բրիգադային գեներալ Օլեքսիյ Գրոմովը։

«Ուկրաինայի Զինված ուժերը և պաշտպանության ուժերի այլ բաղադրիչներն ազատագրել են փետրվարի 24-ից հետո գրավված տարածքների 40%-ը: Խերսոնի աջափնյա շրջանի ազատագրումը ցույց տվեց, որ ապաօկուպացված տարածքների ընդհանուր մակերեսը կազմում է գրեթե 40000 քառ. կմ»,- ասել է նա: