Երևան`   +10 °C
Այսօր`   Ուրբաթ, 29 մարտի, 2024 թ.

Նիդեռլանդներն այլևս ապաստան չի տա զորահավաքից խուսափող ռուսներին

1674
Հինգշաբթի, 29 դեկտեմբերի, 2022 թ., 20:36
Նիդեռլանդներն այլևս ապաստան չի տա զորահավաքից խուսափող ռուսներին

Ռուսներն, ովքեր ժամանել են Նիդեռլանդներ՝ փորձելով խուսափել մասնակի զորահավաքից, այլևս ավտոմատ կերպով ապաստան ստանալու իրավունք չեն ունենա, հայտարարել է Նիդեռլանդների ներգաղթի և հպատակագրման ծառայությունը: Հոկտեմբերին Նիդեռլանդների իշխանությունները հայտարարել են, որ մասնակի զորահավաքի ենթակա ՌԴ քաղաքացիներին ավտոմատ կերպով ապաստան կտրվի երկրում։
Որոշումն ուժի մեջ է մտել դեկտեմբերի 29-ից:
Նիդեռլանդները նաև նշել է, որ ապաստան չի տրամադրի նոր ժամանած ռուսներին, ովքեր պնդում են, թե վախենում են ապագա զորահավաքից։ Դա պայմանավորված է նրանով, որ «Ռուսաստանի պաշտպանության նախարարը հայտարարել է զորահավաքի ավարտի մասին և հանձնարարել զորամասերին հոկտեմբերի 31-ից դադարեցնել զորահավաքային աշխատանքները», - ասվում է նախարարության հաղորդագրության մեջ։