«Պահանջում ենք ԱՄՆ-ից՝ տեր կանգնել իր սկզբունքներին»․ Արցախի ՄԻՊ

Այս պահին բողոքի ակցիա է անցկացվում ՀՀ-ում ԱՄՆ դեսպանատան առջև։ Արցախի ՄԻՊ Գեղամ Ստեփանյանն իր ելույթում շեշտել է, որ արդեն չորրորդ օրն է՝ Ադրբեջանը հումանիտար աղետ է ստեղծել Լաչինի միջանցքը փակելով․ «Սա այլ կերպ, քան հանցագործություն, չի կարելի անվանել: Մենք տեսնում ենք, որ այս ամենից հետո միջազգային հանրությունը փորձում է հավատալ Ադրբեջանի, այսպես կոչված, խոստումներին, թե իբր կարող է ապահովել Արցախում ապրող հայերի իրավունքներն ու անվտանգությունը»։

Արցախի ՄԻՊ-ն իր խոսքում դիմեց ԱՄՆ-ին, որպես ժողովրդավարության, մարդու իրավունքների պաշտպանության օրակարգ առաջ մղող երկիր՝ պահանջելով տեր կանգնել իր սկզբունքներին։

Ակցիայի մասնակիցները երթով շարժելու են նաև Չինաստանի, Ֆրանսիայի, Ռուսաստանի դեսպանատներ, ԵՄ և ՄԱԿ-ի գրասենյակներ: