Ֆրանսիայի ԱԳՆ-ն ներկայացրել է Մակրոնի և Զելենսկու զրույցի մանրամասները

Ֆրանսիայի արտաքին գործերի նախարար Քեթրին Կոլոնան ասել է, որ Ֆրանսիայի նախագահ Էմանուել Մակրոնը Ուկրաինայի առաջնորդ Վլադիմիր Զելենսկու հետ քննարկել է Ուկրաինայի վերաբերյալ իր խաղաղության ծրագիրը։

Ֆրանսիացի նախարարը նշել է, որ երկու պետությունների ղեկավարները «երկար զրույց են ունեցել» դեկտեմբերի 11-ի երեկոյան։

«Նրանք քննարկել են Զելենսկու խաղաղության ծրագիրը, որը ներկայացված էր G20-ում։ Քննարկել են դրա պայմանները»,- ասաց նա:

Ավելի վաղ Էմանուել Մակրոնը հայտնել էր, որ Ֆրանսիան լրացուցիչ 76,5 մլն եվրո կուղարկի Ուկրաինա՝ այս ձմռանը էլեկտրաէներգիա ապահովելու համար։ Ֆրանսիայի նախագահի խոսքով՝ Ֆրանսիան 2022 թվականի սկզբից Ուկրաինային արդեն հատկացրել է 151,5 մլն եվրո, իսկ մոտ ապագայում կավելացնի 48,5 մլն եվրո։