«Առարկայական է դառնում մտավախությունը, որ Ադրբեջանը ԼՂ-ում ցեղասպանություն է նախապատրաստում». Փաշինյան

«Ընդդեմ ցեղասպանության հանցագործության» 4-րդ գլոբալ համաժողովի ժամանակ վարչապետ Նիկոլ Փաշինյանը նշել է, որ այսօր մենք տեսնում ենք հետևողական գործողություններ, որոնք ավելի առարկայական են դարձնում մտավախությունները, որ Ադրբեջանը Լեռնային Ղարաբաղում իսկապես ցեղասպանություն է նախապատրաստում: Այս առումով նա խոսեց Լաչինի միջանցքում վերջին շրջանում տեղի ունեցող սադրանքների մասին. «Փակել միջանցքը, դադարեցնել միջանցքի գործողությունը, նշանակում է, ըստ էության, ԼՂ հայությանը դատապարտել ցեղասպանության՝ 3 տարբեր սցենարներով: Առաջին սցենարը կարող է լինել զուտ հայաթափման սցենարը, հաջորդը՝ ինքնության կորուստը, երրորդ սցենարը՝ բուն ֆիզիկական ոչնչացումը»: