Լուի վան Գալը հաստատել է, որ հեռանում է Նիդերլանդների հավաքականից

Նիդերլանդների հավաքականի գլխավոր մարզիչ Լուի վան Գալը ԱԱ-2022-ի 1/4 եզրափակչում Արգենտինային պարտվելուց հետո հայտարարել է, որ կհեռանա զբաղեցրած պաշտոնից։ «Ես չեմ շարունակի աշխատել որպես Հոլանդիայի հավաքականի մարզիչ: Հպարտ եմ կատարված աշխատանքով։ Շատ երիտասարդ խաղացողների եմ բերել հավաքական։ Մենք թիմ ենք ստեղծել, և երբ հետ եմ նայում, շատ դրական բաներ եմ տեսնում»,- Լուի վան Գալի խոսքերն է մեջբերում L'Equipe-ն: