«Երևանը խաղաղությամբ կգրավենք». Ադրբեջանի խորհրդարանի մարդու իրավունքների հանձնաժողովի նախագահ

Այսօր ԶԼՄ-ներում տարածվել են Ադրբեջանի խորհրդարանի մարդու իրավունքների հանձնաժողովի նախագահ Զահիդ Օրուջի հայտարարությունները, հայտնում է «Ինֆոտեկա24»-ը։

Խորհրդարանում ունեցած իր ելույթում Օրուջը մի շարք սկանդալային հայտարարություններ է արել։ Նա, մասնավորապես, ասել է. «Ժողովուրդը չի կարող հավերժ ապրել թշնամության և պատերազմի պայմաններում։ Շուշան (Շուշին) պատերազմով ենք գրավել, Իրևանը (Երևանը) խաղաղությամբ կգրավենք»։
Այս հայտարարությունը ևս մեկ անգամ վկայում է այն մասին, որ Ադրբեջանը չի ցանկանում խաղաղություն Հայաստանի հետ, այլ օգտագործում է խաղաղ գործընթացն ու հռետորաբանությունը՝ իր էքսպանսիոնիստական ​​նպատակներին հասնելու համար, գրում է կայքը։