«Ջեստ» սուպերմարկետում հայտնաբերվել է պիտանիության ժամկետն անցած սննդամթերք

497

Երեքշաբթի, 06 դեկտեմբերի, 2022 թ., 16:24

«Ջեստ» սուպերմարկետում հայտնաբերվել է պիտանիության ժամկետն անցած սննդամթերք

ՀՀ սննդամթերքի անվտանգության տեսչական մարմինը հայտնում է. «ՀՀ սննդամթերքի անվտանգության թեժ գծով քաղաքացու ահազանգի հիման վրա՝ Տեսչական մարմնի արագ արձագանքման բաժնի և Երևանի կենտրոնի տեսուչները վերահսկողական միջոցառում են իրականացրել Երևանի Բաղրամյան 47/10 հասցեում գործող «Սիմվարդ» ՍՊԸ-ին պատկանող «Ջեստ» սուպերմարկետից։

Դիտարկման արդյունքում հայտնաբերվել է պիտանիության ժամկետն անցած սննդամթերք․ սարդելկա, բժշկական երշիկ, քյուֆթա, կարագ, հավ, նրբերշիկ, յոգուրտ, պանրիկ, համեմունք ծիտրոն և այլն:

Նշված ապրանքատեսակները հանվել են վաճառքից և տեղում ոչնչացվել»:

Աղբյուրը` ՀՀ սննդամթերքի անվտանգության տեսչական մարմին