«Ակնհայտ երևում է, որ զորավարժությունները կազմակերպվել են Թուրքիայի կողմից». Ալեն Ղուլյան

Արցախաբնակ Ալեն Ղուլյանը ֆեյսբուքյան իր էջում գրել է. «Եթե հիշում եք՝ 2021-ի սեպտեմբերին ինֆո հայտնվեց, որ Թուրքիան Ադրբեջանում հրամանատարական հատուկ խումբ է ստեղծել («ադրբեջանական օպերատիվ խումբ»), որը ներկայացնելու է Թուրքիայի զինված ուժերը Ադրբեջանում..
Խոսվում էր, որ խմբում ընդգրկված են 4 թուրք գեներալներ, որոնց մեջ են՝ թուրքիայի զինված ուժերի ցամաքային զորքերի հրամանատար Բախտիյար Էրսայը (խմբի ավագ), Աբդուլլա Գաթըրչին և էնդեր Գյուները (խմբի հրամանատարության շտաբի պետ):
Ադրբեջանում մեկնարկած թուրք-ադրբեջանական «Եղբայրական բռունցք» համատեղ զորավարժության կադրերից է:
«Կոմանդո» ստորաբաժանման զինծառայողի թևանշային գրված է՝ «Azerbaycan Görev Grup Komutanlığı» (թուրք.՝ ադրբեջանական օպերատիվ խմբի հրամանատարություն)
Ակնհայտ երևում է, որ զորավարժությունները կազմակերպվել են Թուրքիայի կողմից և կոորդինացվում են հենց նշված «ադրբեջանական օպերատիվ խմբի» հրամանատարության կողմից...»: