Ռուսաստանում արգելվում են ցույցերը դպրոցների, հիվանդանոցների և երկաթուղային կայարանների մոտ
Ռուսաստանի նախագահ Վլադիմիր Պուտինն ստորագրել է դաշնային օրենք, որը զգալիորեն ընդլայնում է այն վայրերի ցանկը, որտեղ արգելվում են հանդիպումները, հանրահավաքները, երթերն ու ցույցերը։ Փաստաթուղթը հրապարակվել է իրավական տեղեկատվության պաշտոնական ինտերնետային պորտալում։ Ռուսական լրատվամիջոցները նշում են, որ փոփոխություններից հետո հնարավոր չի լինի հանրահավաքներ անցկացնել պետական իշխանությունների շենքերում և նրանց հարակից տարածքներում, օդանավակայաններում, երկաթուղային և ավտոմոբիլային կայարաններում, նավահանգիստներում, շենքերում և բուհերի տարածքում, դպրոցներում և հիվանդանոցներում, հողատարածքներում, որտեղ կան եկեղեցիներ և այլ շինություններ։ Բացի այդ, արգելքը կտարածվի կենսապահովման օբյեկտներին հարող տարածքների վրա, ներառյալ այն տարածքները, որոնք ապահովում են էլեկտրական, ջերմային, ջրային և գազային ցանցերի շահագործումը։ Ներկայում Ռուսաստանում արգելված է հանրահավաքներ անցկացնել միայն նախագահական նստավայրերի, դատարանների, արտակարգ իրավիճակների օպերատիվ ծառայությունների և Դաշնային քրեակատարողական ծառայության հիմնարկների մոտ։ Նոր օրենքը նաև նախատեսում է, որ անհրաժեշտության դեպքում յուրաքանչյուր մարզ կարող է լրացուցիչ արգելքներ դնել հավաքների, հանրահավաքների և ցույցերի վայրերի վրա, եթե նման միջոցը «պայմանավորված է ՌԴ պատմական, մշակութային և այլ օբյեկտների առանձնահատկություններով»։ |
«Օրը ցերեկով գողանում են բազալտե եզրաքարերը». Թեժ գիծ (տեսանյութ)
3014:18«Դիպուկահարը խփում էր մեր զինվորին, հրաման էի ստանում՝ պատասխան չտալ»․ Արշակ Կարապետյան (տեսանյութ)
6713:18«Խորհրդային սահմաններին վերադարձը խնդիր է առաջացնելու նաև Կիրանցի հատվածում». Դավիթ Գալստյան (տեսանյութ)
6913:06«Իմ տեղեկություններով, վարչապետի աթոռը զբաղեցնողն ուղևորվում է Ոսկեպար». Գառնիկ Դանիելյան
9112:18Սպասվում են ձյան առատ տեղումներ, բուք
11011:36«Արցախի վաճառքի այս ամբողջ գործարքից տուժեց միայն սովորական արցախցին»․ Նաիրի Հոխիկյան
11111:24