Ուկրաինան խոստովանել է, որ ՀՕՊ է կիրառել Լեհաստանում հրթիռի կործանման վայրի մոտ

Ուկրաինան դաշնակիցներին խոստովանել է, որ օգտագործել է հակաօդային պաշտպանության համակարգեր (ՀՕՊ) Լեհաստանում հրթիռի կործանման վայրի մոտ։ Այս մասին հայտնում է CNN-ը՝ հղում անելով ամերիկացի պաշտոնյային։
Նրա խոսքով՝ Ուկրաինայի Զինված ուժերը փորձել են հրթիռ խոցել Պշևոդուվ գյուղի մոտ՝ մոտավորապես նույն պահին, երբ տեղի է ունեցել միջադեպը։
Միաժամանակ հեռուստաալիքի զրուցակիցն ընդգծել է, որ տեղեկությունը, թե կոնկրետ ՀՕՊ հրթիռն է ընկել Լեհաստանի տարածքում, չի հաստատվել։ Նա հավելել է, որ այս տեղեկատվությունը Սպիտակ տան կողմից առաջնահերթություն է դարձել իրավիճակը գնահատելու համար։