«Լարսի անցակետում Հայաստանի համար դժվարություններ դեռ կան»․ Վաղարշակ Հակոբյան

«Եվրասիական տնտեսական միությունում փոխադրումների հետագծման համար նավիգացիոն կապարակնիքի կիրառման համաձայնագիրը վավերացնելու մասին» օրենքի նախագծի քննարկման ընթացքում ՔՊ-ական Վաղարշակ Հակոբյանն ասել է․ «Լարսի անցակետում ՀՀ-ի համար դժվարությունները դեռևս ամբողջությամբ լուծված չեն․ վերջին տարում հատկապես աշխարհաքաղաքական իրողությունների հանգամանքների հետ կապված, Լարսի անցակետում մասնավորապես ՀՀ-ից գնացող-եկող բեռնատար մեքենաների համար շատ լուրջ խնդիրներ են առաջանում, որը՝ ամենաբացասական իմաստով մշտապես իր ազդեցությունն է ունենում մեր տնտեսության վրա, և այդ խնդրին առնչվում են բոլոր բեռնափոխադրող կազմակերպությունները»։