ԵՄ-ն Ուկրաինային չի հատկացնի խոստացված գումարը

Եվրոմիությունը չի կարողանա Ուկրաինային հատկացնել մայիսին խոստացված 9 միլիարդ եվրոյից 3-ը, հայտարարել է Եվրոհանձնաժողովի ղեկավարի առաջին տեղակալ Վալդիս Դոմբրովսկիսը Բրյուսելում՝ ԵՄ տնտեսական և ֆինանսների խորհրդի նիստից հետո կայացած մամուլի ասուլիսում։

Նա ընդգծել է, որ 2,5 միլիարդ եվրոյի տրանշը, որը Կիևը կստանա մինչև նոյեմբերի վերջ, վերջինն է լինելու այս տարվա ընթացքում։