Ինչու Ալիևն ու Զուրաբիշվիլին չեն հանդիպել

Վրաստանի նախագահի աշխատակազմը ափսոսանք է հայտնել, որ երկրի ղեկավար Սալոմե Զուրաբիշվիլին տեղեկացված չի եղել Ադրբեջանի նախագահ Իլհամ Ալիևի՝ երկուշաբթի օրը Թբիլիսի կատարած այցի մասին։

«Ելնելով հարցի կարևորությունից՝ Վրաստանի նախագահի աշխատակազմը նպատակահարմար է համարում տեղեկացնել հանրությանը, որ նախագահը տեղեկացված չի եղել մեր հարևան և բարեկամ երկրի նախագահ Իլհամ Ալիևի՝ Վրաստան կատարած աշխատանքային այցի մասին», - ասված է Վրաստանի նախագահի տարածած հայտարարության մեջ։

Զեկույցում միաժամանակ ընդգծվում է, որ Զուրաբիշվիլին ողջունում է Իլհամ Ալիևի այցը Թբիլիսի և ևս մեկ անգամ հայտնում է մոտ ապագայում պաշտոնական այցով Ադրբեջանի նախագահին ընդունելու պատրաստակամությունն ու ցանկությունը։