«Իրանը Հայաստանի և տարածաշրջանի անվտանգությունը համարում է իր անվտանգությունը»․ Իրանի ԱԳ նախարար

Ինչպես հայտնել էինք, Կապանում բացվել է Իրանի գլխավոր հյուպատոսությունը: Արարողության ընթացքում ելույթ են ունեցել ՀՀ և ԻԻՀ ԱԳ նախարարները: Հոսեյն Ամիր Աբդոլլահիանը հայտարարել է․ «Կապանի հյուրընկալ քաղաքացիների ներկայությամբ ուզում եմ հայտնել, որ Իրանի Իսլամական Հանրապետությունը Հայաստանի Հանրապետության և տարածաշրջանի անվտանգությունը համարում է իր անվտանգությունը. մեր քաղաքականությունն է հարգել տարածքային ամբողջականությունը և միջազգայնորեն ճանաչված սահմանները»։ Աբդոլլահիանն ընդգծել է, որ Սյունիքի մարզը հանդիսանում է հյուսիս-հարավ միջանցքի կարևորագույն հատվածներից մեկը. «Հայաստանը համարում ենք հյուսիս-հարավ մայրուղու վրա գտնվող կարևորագույն երկրներից մեկը: Մեր առավելագույն ջանքերը կգործադրենք, որպեսզի ապրանքափոխադրումները և ուղևորափոխադրումները այս ուղով առավել զարգանան»: