ԱՄՆ-ն Իրանին սպառնում է պատժամիջոցներով

ԱՄՆ-ը միացել է Մեծ Բրիտանիային և Ֆրանսիային՝ ՄԱԿ-ի Անվտանգության խորհրդի փակ նիստի ժամանակ բարձրացնելով Իրանի կողմից Ռուսաստանին մարտական անօդաչու թռչող սարքերի մատակարարման հարցը. նշվում է, որ խախտվել է ՄԱԿ-ի Անվտանգության խորհրդի 2231 բանաձևը, այս մասին հայտնում է РБК-Украина-ն՝ հղում կատարելով ԱՄՆ Պետդեպարտամենտի հայտարարությանը։

Միացյալ Նահանգները բազմաթիվ ապացույցներ ունի, որ այդ անօդաչու թռչող սարքերն օգտագործվում են Ուկրաինայի քաղաքացիական ենթակառուցվածքներին հարվածելու համար:

Պետդեպարտամենտը վստահեցրել է, որ չնայած Թեհրանի առարկություններին, իրենք կաշխատեն դաշնակիցների և գործընկերների հետ՝ կանխելու զենքի փոխանցումը: