Սախարովի անվան մրցանակը տրվել է Ուկրաինայի ժողովրդին

Անդրեյ Սախարովի անվան մտքի ազատության մրցանակը, որը ԵՄ մարդու իրավունքների գլխավոր մրցանակն է, շնորհվել է «Ուկրաինայի խիզախ ժողովրդին՝ ի դեմս իր նախագահի, ընտրված առաջնորդների և քաղաքացիական հասարակության»:

«Նրանք պաշտպանում են այն, ինչին հավատում են: Նրանք պայքարում են հանուն մեր արժեքների: Պաշտպանելով ժողովրդավարությունը, ազատությունը և օրենքի գերակայությունը: Նրանք վտանգում են իրենց կյանքը մեզ համար: Ոչ ոք չի կարող ավելի արժանի լինել»,- թվիթերում գրել է Եվրոխորհրդարանի պատգամավոր Ռոբերտա Մեցոլան:

Թեկնածուների թվում էին նաև WikiLeaks պորտալի հիմնադիր Ջուլիան Ասանժը և Կոլումբիայի ճշմարտության հանձնաժողովը։

Սախարովի անվան մրցանակը հաստատվել է Եվրոխորհրդարանի կողմից 1988 թվականին և շնորհվում է այն անձանց, ովքեր «բացառիկ ներդրում են ունեցել ամբողջ աշխարհում մարդու իրավունքների համար պայքարում»։ Այն կրում է խորհրդային իրավապաշտպան և այլախոհ Անդրեյ Սախարովի անունը։

2021 թվականին մրցանակը ստացել է ռուս ընդդիմադիր քաղաքական գործիչ Ալեքսեյ Նավալնին։