Իրանում բողոքի ցույցերի ընթացքում զոհվել է ավելի քան 200 մարդ, այդ թվում՝ 23 երեխա

Առնվազն 201 մարդ, այդ թվում՝ 23 երեխա, մահացել է Իրանում համազգային ցույցերի ժամանակ։ Այս թվերը հրապարակել է Iran Human Rights իրավապաշտպան կազմակերպությունը։

Իրավապաշտպանների տվյալներով՝ վերջին երեք շաբաթվա ընթացքում առնվազն 108 մարդ է սպանվել բողոքի ցույցերի ընթացքում, որոնք բռնկվել են 22-ամյա ուսանող Մահսա Ամինիի մահից հետո, ով բարքերի ոստիկանության կողմից բերման է ենթարկվել փողոցում՝ ոչ պատշաճ հագուստ կրելու համար։

Առնվազն 93 մարդ է զոհվել հարավարևելյան Սիստան-Բելուջիստան նահանգի Զահեդան քաղաքում բախումների ընթացքում, որոնք սկսվել են այն բանից հետո, երբ հաղորդվել է, որ մի դեռահաս աղջկա բռնաբարել է շրջանի ոստիկանապետը: