Երևան`   +1 °C
Այսօր`   Երեքշաբթի, 31 հունվարի, 2023 թ.

Հայաստան կժամանի Ատոմային էներգիայի միջազգային գործակալության գլխավոր տնօրենը

1382
Երեքշաբթի, 04 հոկտեմբերի, 2022 թ., 11:12
Հայաստան կժամանի Ատոմային էներգիայի միջազգային գործակալության գլխավոր տնօրենը

ՀՀ ԱԳՆ մամուլի խոսնակը հայտնում է. «Հոկտեմբերի 4-5-ը ՀՀ ԱԳ նախարար Արարատ Միրզոյանի հրավերով աշխատանքային այցով Հայաստանում կգտնվի Ատոմային էներգիայի միջազգային գործակալության գլխավոր տնօրեն Ռաֆայել Մարիանո Գրոսին:

Հոկտեմբերի 4-ին Ատոմային էներգիայի միջազգային գործակալության գլխավոր տնօրենին կընդունի ՀՀ ԱԳ նախարար Արարատ Միրզոյանը:

Այցի շրջանակներում գլխավոր տնօրեն Գրոսիին կընդունեն ՀՀ նախագահը, ՀՀ վարչապետը, Տարածքային կառավարման և ենթակառուցվածքների, Առողջապահության նախարարները։

Ատոմային էներգիայի միջազգային գործակալության գլխավոր տնօրենը կայցելի նաև Հայկական ատոմային էլեկտրակայան, Ֆանարջյանի անվան ուռուցքաբանության ազգային կենտրոն, ինչպես նաև դասախոսությամբ հանդես կգա ԵՊՀ ուսանողների համար»։