Երևան`   +11 °C
Այսօր`   Հինգշաբթի, 28 մարտի, 2024 թ.

«Եթե սպասում ես, որ հին օլիգարխներն են քեզ համախմբելու, ուրեմն անհույս միամիտ ես»․ Հովհաննես Ավետիսյան

281
Կիրակի, 25 սեպտեմբերի, 2022 թ., 02:24
«Եթե սպասում ես, որ հին օլիգարխներն են քեզ համախմբելու, ուրեմն անհույս միամիտ ես»․ Հովհաննես Ավետիսյան

Հանրային կառավարման մասնագետ Հովհաննես Ավետիսյանը գրում է. «Նիկոլը ձեզ երկարաժամկետ խաղաղություն էր խոսք տվել, չի կատարել ու չի էլ կարողանալու: Որովհետև պատերազմում պարտվածը չի կարող խաղաղություն բերել, իրեն շարունակաբար պարտադրելու են, շարունակաբար զիջելու է ու շարունակաբար մեզ ջարդելու են:
Նիկոլը ձեզ խոսք էր տվել թալանի վերադարձ, օլիգարխիկ համակարգի կազմաքանդում: Չի կատարել, չի էլ կարողանալու, նաև որովհետև հրաժարվեց դատական համակարգի վեթինգից: Չի կատարելու, ավելին, ինքն ու իր նեղ շրջապատն են վերածվում օլիգարխների, և նա հետզհետե դառնում է միանձնյա դիկտատոր:
Նիկոլը ձեզ բարեկեցություն էր խոստացել, չի կատարել ու չի կարողանալու որովհետև իր քայլերի հետևանքով Հայաստանն էլ ավելի խորն է ռեսուրս պետության ճիրաններում հայտնվել: Մեզ ամեն կերպ օգտագործելու են, մեր հաշվին ավելի ուժեղանալու և ինչ-որ պահի մեր քաղաքական միավորը քարտեզից մաքրելու համար:
Հայրենակից, եթե այս պարզ իրողությունները չես հասկանում, ուրեմն դու խելքից պակաս ես: Կներես, որ ուղիղ եմ ասում: Իսկ եթե հասկանում ես ու հույսով նստել սպասում ես, որ հին օլիգարխներն են քեզ համախմբելու, ուրեմն անհույս միամիտ ես: Գտեք ձեր մեջ նոր մարդկանց, ում կվստահեք և ում առաջարկած օրակարգի շուրջ կհամախմբվեք, գտեք նրանց ու պահանջներ ներկայացրեք: Այդ մարդիկ պետք է գիտելիք և կարողություն ունենան, արժեքներ և արժանիքներ կրեն, պատիվ և պատասխնատավություն հասկանան, և պետական համակարգին մոտ կանգնած լինեն, գտեք դրանց և համամբվեք:
Պատերազմները համակարգերի միջև են, ձեր անհատական ջանքը, որն համակարգից դուրս է, օգուտ չի տալու: Պինդ եղեք ու հանձնվելու մասին չմտածեք, հանձնվելու պատճառ չկա, իսկ պայքարելու՝ լիքը: Գտեք իրար»: