Ֆինլանդիան կսահմանափակի Ռուսաստանից մուտքը՝ ռուսների հոսքի պատճառով

Մոբիլիզացիայի հայտարարությունից հետո ռուս-ֆիննական սահմանին մեքենաների հերթերն անհանգստացրել են Ֆինլանդիայի իշխանություններին. վարչապետ Սաննա Մարինը հայտարարել է ռուսական զբոսաշրջությունը դադարեցնելու անհրաժեշտության մասին։ Այս մասին հայտնում են ռուսական լրատվամիջոցները։
«Ռուսական զբոսաշրջությունը և տարանցումը պետք է դադարեցվի: Ինչպես հասնել դրան՝ ավելի բարդ հարց է»,- ասել է Մարին: Վարչապետի խոսքով՝ Ֆինլանդիայի իշխանությունները պետք է գնահատեն ազգային անվտանգությանը սպառնացող հնարավոր սպառնալիքները։

Երկրի արտաքին գործերի նախարար Պեկկա Հաավիստոն ասել է, որ կառավարությունը նույնպես շտապ որոշում է նախապատրաստում ռուսական տուրիստական ​​վիզաների վերաբերյալ։ «Ֆինլանդիան չի ցանկանում լինել տարանցիկ երկիր Շենգենյան վիզաների համար, որոնք տրվել են այլ երկրների կողմից»,- ասել է Հաավիստոն: