Երևան`   +7 °C
Այսօր`   Ուրբաթ, 29 մարտի, 2024 թ.

Թուրքական երկու բանկեր դադարեցրել են Mir քարտերից լիրայի կանխիկացումը

1816
Երկուշաբթի, 19 սեպտեմբերի, 2022 թ., 20:18
Թուրքական երկու բանկեր դադարեցրել են Mir քարտերից լիրայի կանխիկացումը

Թուրքական խոշորագույն Is bankasi մասնավոր բանկի բանկոմատները երկուշաբթի դադարեցրել են թուրքական լիրայի տրամադրումը ռուսական Mir վճարային համակարգի քարտերով։ Այս մասին հայտնում է Bloomberg-ը, ինչպես նաև Halk հեռուստաալիքը։ Վերջինիս հաղորդագրության մեջ ասվում է, որ բանկը նման որոշում է կայացրել այն բանից հետո, երբ ԱՄՆ գանձապետարանի կողմից հնարավոր պատժամիջոցների մասին հայտարարություններ են հնչել Mir քարտեր ընդունող կառույցների նկատմամբ։

Երկուշաբթի երեկոյան հայտնի է դարձել, որ Is bankasi-ից հետո Denizbank-ը դադարեցրել է լիրայի կանխիկացումը Mir քարտերից։ Այս պահին ռուսական քարտերը շարունակում են սպասարկել տեղական Halkbank, Ziraat bankasi և VakifBank բանկերը։