Երևան`   +14 °C
Այսօր`   Հինգշաբթի, 28 մարտի, 2024 թ.

Տաջիկստանի հետ հակամարտության հետևանքով Ղրղզստանի զոհերի թիվը հասել է 59-ի

1555
Կիրակի, 18 սեպտեմբերի, 2022 թ., 22:24
Տաջիկստանի հետ հակամարտության հետևանքով Ղրղզստանի զոհերի թիվը հասել է 59-ի

Ղրղզստանի առողջապահության նախարարության տվյալներով՝ Տաջիկստանի հետ սահմանին հակամարտությունում Ղրղզստանի քաղաքացիների զոհերի թիվը հասել է 59-ի, գրում է TASS-ը։

Երկու երկրների սահմանապահների միջև ծանր զինատեսակների կիրառմամբ մարտերն սկսվել են սեպտեմբերի 14-ին և ընթացել երկու երկրների ընդհանուր սահմանի ողջ երկայնքով։

Սեպտեմբերի 16-ին Տաջիկստանի և Ղրղզստանի ղեկավարներ Էմոմալի Ռահմոնը և Սադիր Ժապարովը պայմանավորվել են հրադադարի և հակամարտությունը քաղաքական ու դիվանագիտական ճանապարհով լուծելու շուրջ։ Սակայն նույն օրը երեկոյան ռազմական գործողությունները վերսկսվել են և շարունակվել սեպտեմբերի 17-ին ընդհանուր սահմանի առանձին հատվածներում։