«Ռուսներն առանց խոշոր դիվերսիաների Հայաստանից չեն հեռանալու». Նաիրի Բադալյան
358
Չորեքշաբթի, 17 օգոստոսի, 2022 թ., 22:47
Քաղաքագետ Նաիրի Բադալյանը ֆեյսբուքյան իր էջում գրել է. «Ռուսաստանն ակհայտ ցայտնոտի մեջ է: Արևմտյան նորագույն տեխնիկայով պատերազմի ընթացքում վերազինվող ու պատերազմի ընթացքը փոխած ուկրաինական բանակն արդեն հարվածներ է հասցնում Ղրիմի տարածքին ու պատրաստվում է հակահարձակման հարավային՝ Խերսոնի ուղղությամբ: Ուկրաինական պատերազմում խոշոր պարտությունը ավտոմատ բերելու է Ռուսաստանի պուտինիստական-ֆաշիստական քաղաքական համակարգի և գաղութային լծի փլուզման եթե ոչ իր երկրի սահաններում, ապա հաստատապես իր սահմաններից դուրս՝ ներառյալ Հայաստանը: Այդ առումով անգամ, եթե մեզ դուր չեն գալիս որոշ ուկրաինական գործիչների հայտարարությունները Հայաստանի կամ Արցախի խնդրի մասին, այդուհանդերձ, պետք է հասկանալ, որ Ուկրաինան այսօր օբյեկտիվորեն ոչ միայն իր, այլ ռուսների բոլոր հարևանների ազատության համար է կռվում ու Ուկրաինայի հաղթանակը նաև Հայաստանի փրկությունը կլինի ռուսական գաղութային լծից: Բայց Հայաստանն ու հայ ժողովուրդն էլ իրենց կողմից պետք է պատրաստ լինեն առաջիկայում ստանալիք ազատությունը տնօրինելու: Իսկ դրա համար պետք է, որ Հայաստանի ապագան ՆԱՏՕ-յում ու Եվրոմիությունում տեսնող ուժերն արդեն այսօր կազմակերպական ու քաղաքական առումով պատրաստ լինեն Ռուսաստանի Հայաստանից հեռանալու պահին քայլոների ու նրանց խորհրդարանական պարտնյոր մյուս ռուսալեզների կողմից գետնին շպրտվելիք իշխանությունը վերցնելու և պերմյակովի անվան 102-րդ կատաղի զինված գժանոցի կողմից Հայաստանի տարածքից դուրս գալուց առաջ մեր երկրի ու մեր ժողովրդի հանդեպ կատարելիք ծանրագույն հանցագործությունները կանխելու համար: Իսկ որ «Սուրմալու»-ն վերջինը չէր ու այդպիսի փորձեր լինելու են, դրանում կասկած չկա: Ռուսներն իրենց 102-րդ կատաղի զինված գժանոցով առանց լուրջ պրովոկացիաների ու խոշոր դիվերսիաների, հենց այնպես Հայաստանից չեն հեռանալու: Նրանց Հայաստանից հեռացնելու հարցն այսօր լուծում է ուկրաինական բանակը: Մնում է, որ հայերս էլ կարողանանք լուծել Հայաստանի տարածքում ռուսների կողմից պրովոկացիաների, տեռորիստական ակտերի ու խոշոր դիվերսիաների կանխարգելման հարցը»: