Երևան`   +20 °C
Այսօր`   Շաբաթ, 08 հոկտեմբերի, 2022 թ.

«Ես ապացուցեցի, որ պետական դավաճանություն է տեղի ունենում». ՊՆ-ում մերժեցին Մանախի առաջարկը

188
Երեքշաբթի, 09 օգոստոսի, 2022 թ., 20:18
«Ես ապացուցեցի, որ պետական դավաճանություն է տեղի ունենում». ՊՆ-ում մերժեցին Մանախի առաջարկը

Մանախ մականունով հայտնի ազատամարտիկ Արթուր Այվազյանն այսօր ակցիա է իրականացրել ՀՀ ՊՆ շենքի մոտ՝ Բերձորը պաշտպանելու ռեսուրս տրամադրելու պահանջով: Ըստ նրա՝ թուրքական 7-8 հազար հատուկ ջոկատայիններ սպասում են «ֆաս» հրամանի, իսկ մենք կարող ենք դիմագրավել: «Եթե մեր առաջարկը չլսեն, մենք էլ չենք հավաքվի, մենք կհասկանանք՝ ինչ ենք անում, ու կանենք: Մենք հիմա ՀՀ ՊՆ-ից խնդրում ենք լսել, հասկանալ, ընկալել՝ անկախ քաղաքական իշխանության որդեգրած դավաճանական ուղղուց, զինել կամավորականներին, որ հասկանանք՝ ոնց ենք պաշտպանելու Սուսը, Բերձորը, Աղավնոն: Մի քանի օր ա մնացել, ոչ Հայաստանի պետությունն ա օգնում, ոչ Արցախի: Նիկոլ 2-ը՝ Արայիկ Հարությունյանը այնտեղ ա ձեռքերը լվացել»:

Ակցիայի վերջում, սակայն, Արթուր Այվազյանը հայտնեց, որ ՊՆ-ում հրաժարվել են իրենց ընդունել, փոխարենն առաջարկել են գրավոր դիմել: «Ես ապացուցեցի, որ պետական դավաճանություն է տեղի ունենում: Ուզում են դաժան, թող լինի դաժան»,- ասաց նա:

«Ես ապացուցեցի, որ պետական դավաճանություն է տեղի ունենում». ՊՆ-ում մերժեցին Մանախի առաջարկը