Կառավարության շենքի մոտ բողոքի ակցիա է՝ ի պաշտպանություն Բերձորի, Աղավնոյի և Սուսի

«Արցախի Հանրապետության ճանաչում» քաղաքացիական նախաձեռնության մասնակիցները բողոքի ակցիա են իրականացնում ՀՀ կառավարության մոտ ի պաշտպանություն Բերձորի, Աղավնոյի և Սուսի։ Նրանք կառավարությունից պահանջում են մի կողմ դնել հանձնողական քաղաքականությունը, զբաղվել արցախցիների իրավունքների ու սեփականության պաշտպանությամբ։
Նախաձեռնության անդամների համոզմամբ՝ խնդիրը պետք է լուծվի միջազգային կառույցների, այդ թվում՝ ԵԱՀԿ Մինսկի Խմբի և միջազգային խաղաղապահների օգնությամբ։