Երևան`   +26 °C
Այսօր`   Հինգշաբթի, 18 օգոստոսի, 2022 թ.

Տեղական խոզի միսը թանկացել է. «Ժողովուրդ»

133
Հինգշաբթի, 04 օգոստոսի, 2022 թ., 09:30
Տեղական խոզի միսը թանկացել է. «Ժողովուրդ»

«Ժողովուրդ» օրաթերթը գրում է. «Տեղական խոզի մսի գինը հուլիս ամսին, հունիսի համեմատ, բարձրացել է 3.7 տոկոսով: Այսօր խոզի մսի գինը հասնում է 4200 դրամի:

Մանագետների խոսքով՝ չի բացառվում, որ այն առաջիկայում է՛լ ավելի թանկանա: Մյուս կողմից՝ նշենք, որ ոչ միայն խոզի մսի գինն է բարձրացել, այլև խոզերի գլխաքանակի անկում է արձանագրվել: Թեև Հայաստանը խոզի միս ներկրում է, բայց, այնուամենայնիվ, արձանագրենք, որ ներկրվածը իրացման շուկայում չնչին ծավալներ ունի և չի լրացնում բացը: Միաժամանակ նկատենք, որ այս տարվա հինգ ամիսներին խոզի մսի արտադրության ծավալներն են բավականին պակասել (16.1 տոկոսով):

Բացի այս, թերթը տեղեկացել է, որ տավարի մսի գինն էլ է բարձրացել: Տավարի փափուկ մսի մեկ կիլոգրամի գինը գերազանցում է 4800 դրամը, մինչդեռ այն տարեսկզբին 4400 դրամ էր: մսի գնաճի պատճառներից մեկը անասնակերի խնդիրն է: Նախորդ տարի, եղանակային պայմաններից ելնելով, բավարար քանակությամբ անասնակեր չկուտակվեց, բացի դրանից, որոշ տարածքներ անցան թշնամու վերահսկողության տակ, այս պատճառով անասնապահությունը Հայաստանում դարձել է ոչ եկամտաբեր: Պատասխանատու կառույցը՝ Էկոնոմիկայի նախարարությունը, լուրջ և առարկայական քայլեր չի ձեռնարկում»:

Առավել մանրամասն՝ թերթի այսօրվա համարում