Երևան`   +26 °C
Այսօր`   Չորեքշաբթի, 10 օգոստոսի, 2022 թ.

«Տարածաշրջանային տեկտոնիկ տեղաշարժերն ուղեկցվում են պատերազմներով. պարտադիր չէ ոտքի տակ ընկնել». Վարդան Բալյան

171
Հինգշաբթի, 04 օգոստոսի, 2022 թ., 02:12
«Տարածաշրջանային տեկտոնիկ տեղաշարժերն ուղեկցվում են պատերազմներով. պարտադիր չէ ոտքի տակ ընկնել». Վարդան Բալյան

Քաղաքական վերլուծաբան Վարդան Բալյանը ֆեյսբուքյան իր էջում գրում է. «Արցախում իրավիճակի լարման ֆոնին Իրանի Իսլամական հանրապետության հեղափոխության պահապանների կորպուսը ռազմական տեխնիկա է տեղակայում Ադրբեջանի հետ սահմանին: Հիշեցնեմ, որ հունիսի 19-ին Թեհրանում նախագահներ Պուտինի և Էրդողանի հետ հանդիպումների ժամանակ Ռահբար Ալի Խամենեին հայտարարել էր, թե Իրանը չի հանդուրժի Հայաստանի հետ սահմանի փակում:
Շատերը, եթե ոչ բոլորը իրանական կողմի այս հայտարարությունը որակեցին որպես զսպող, բայց ամեն ինչ այդքան միանշանակ չէ իրականում, եթե մի պահ պատկերացնենք, որ ինչ-որ մի ուժ նախանձախնդիր է Իրանին ներքաշելու ռազմական հակամարտության մեջ ու խաղարկելու ադրբեջանական քարտը՝ իրանական ատոմային ծրագրից բխող սպառնալիքը ռազմական ճանապարհով չեզոքացնելու, Իրանում ներքին անկայունություն և իշխող ռեժիմի փոփոխություն նախաձեռնելու նպատակով: Առնվազն այդպիսի մեկ երկիր, կարծում եմ, բոլորիս հայտնի է:
Արցախում զարգացող իրավիճակը, անկասկած, բազմաշերտ է, զգայական հիմքով գնահատականները անթույլատրելի և վտանգավոր, պետք է հասկանալ, որ աշխարհաքաղաքական և տարածաշրջանային տեկտոնիկ տեղաշարժերը, որպես կանոն, ուղեկցվում են պատերազմներով և ամենևին պարտադիր չէ ամեն ինչ անել այդպիսի պատերազմի թատերաբեմ դառնալու ու ոտնակոխ լինելու համար»:

Աղբյուրը`   Վարդան Բալյան