Ռուսաստանն արգելափակել է Die Welt-ի կայքը

Ռոսկոմնադզորը, ՌԴ գլխավոր դատախազության պահանջով, արգելափակել է գերմանական Die Welt-ի հասանելիությունը։ Ըստ Ռոսկոմնադզորի՝ դա արվել է «անկարգություններին, զանգվածային անօրինական ակցիաներին մասնակցելու կոչեր պարունակող կայքերի արգելափակման կանոնակարգի համաձայն»։

Նշենք, որ լրատվամիջոցը բազմիցս դատապարտել է Ռուսաստանի ներխուժումն Ուկրաինա. հոդվածների մեծ մասը վերաբերում է ռուս-ուկրաինական հակամարտությանը: