Երևան`   +29 °C
Այսօր`   Շաբաթ, 13 օգոստոսի, 2022 թ.

Դատավոր Վարդուհի Հովնանյանի նկատմամբ հարուցվել է կարգապահական վարույթ

911
Չորեքշաբթի, 29 հունիսի, 2022 թ., 23:36
Դատավոր Վարդուհի Հովնանյանի նկատմամբ հարուցվել է կարգապահական վարույթ

Բարձրագույն դատական խորհուրդը հունիսի 28-ին Լուռու մարզի Առաջին ատյանի ընդհանուր իրավասության դատարանի դատավոր Վարդուհի Հովնանյանին կարգապահական պատասխանատվության ենթարկելու հարցի վերաբերյալ միջնորդության քննության կապակցությամբ նիստ նշանակելու մասին որոշում է ստորագրել։

Որոշման մեջ նշում է, որ դատավորի նկատմամբ կարգապահական վարույթ հարուցելու առիթ է հանդիսացել Կարեն Թումանյանի կողմից 10․01․2022 թվականին Արդարադատության նախարարին ներկայացված հաղորդումը։

Արդարադատության նախարարը 11․04․2022 թվականին Լուռու մարզի Առաջին ատյանի ընդհանուր իրավասության դատարանի դատավոր Վարդուհի Հովնանյանի նկատմամբ հարուցել է կարգապահական վարույթ։

Արդարադատության նախարարի 16․06․2022 թվականի որոշմամբ միջնորդություն է ներկայացվել Լուռու մարզի Առաջին ատյանի ընդհանուր իրավասության դատարանի դատավոր Վարդուհի Հովնանյանին կարգապահական պատասխանատվության ենթարկելու վերաբերյալ։

Վարդուհի Հովնանյանին կարգապահական պատասխանատվության ենթարկելու վերաբերյալ միջնորդության քննությունը նշանակվել է հուլիսի ձ-ին, ժամը 15։00-ին։