Երևան`   +28 °C
Այսօր`   Ուրբաթ, 19 օգոստոսի, 2022 թ.

Ադրբեջանն ավելացրել է բանակի թիվը, իսկ բանակը՝ դարձրել «թուրքական զինված ուժերի փոքր մոդել»

152
Կիրակի, 26 հունիսի, 2022 թ., 23:30
Ադրբեջանն ավելացրել է բանակի թիվը, իսկ բանակը՝ դարձրել «թուրքական զինված ուժերի փոքր մոդել»

«Ուժերի և միջոցների քանակն ավելացել է Հատուկ նշանակության ուժերի և ռազմաօդային ուժերի (օդային ուժեր) անձնակազմի օպտիմալացման հաշվին»,- այս մասին AzerTAj-ին տված հարցազրույցում ասել է Ադրբեջանի պաշտպանության նախարար Զաքիր Հասանովը։

Նա նշել է, որ «Երկաթե բռունցք» հաջող ռազմական գործողությունից հետո Ադրբեջանի նախագահ, ԶՈւ Գերագույն գլխավոր հրամանատար Իլհամ Ալիևը խոսել է ադրբեջանական բանակի՝ որպես թուրքական զինված ուժերի փոքր մոդելի նոր որակական մակարդակի բարձրացման մասին։

«Միևնույն ժամանակ նախագահի հրամանագրով հիմնարար փոփոխություններ են կատարվել ադրբեջանական բանակի կազմակերպչական և կադրային կառուցվածքում, և ստեղծվել են ցամաքային ուժեր և օպերատիվ ստորաբաժանումներ՝ որպես բանակի մաս»,- ասել է նա։