Երևան`   +18 °C
Այսօր`   Երեքշաբթի, 28 հունիսի, 2022 թ.

«Պետության նկատմամբ գործած սխալների համար ուրիշներին մեղադրելը թուլացնում է պետականությունը»․ Թաթոյան

407
Շաբաթ, 28 մայիսի, 2022 թ., 19:42
«Պետության նկատմամբ գործած սխալների համար ուրիշներին մեղադրելը թուլացնում է պետականությունը»․ Թաթոյան

ՀՀ նախկին ՄԻՊ Արման Թաթոյանի գրառումը․ «Մենք նվիրական պատասխանատվություն ունենք մեր պետականության նկատմամբ, որ բոլորիս արժանապատվության ու անվտանգ կյանքի իրական երաշխավորն է:
Մենք պատմական պատասխանատվություն ունենք պետականություն կերտած մեր նախնիների հերոսական նվիրումի ու մեր երեխաների նկատմամբ:
Ինքնապառակտումը, սեփական պետության նկատմամբ գործած սեփական սխալների համար ուրիշներին մեղադրելը, այդ սխալների ամեն գնով արդարացումներն ու կոծկումները միայն թուլացնում են մեր պետականությունը:
Իրավունքի գերակայություն ու մարդու իրավունքների երաշխավորում, ազգային արժեքների պաշտպանություն ու հանրային համերաշխություն. սրանք են այն իրական արժեքներից, որ մեզ կտանեն անվտանգ ու ուժեղ պետության ճանապարհով:
Շնորհավորում եմ բոլորիս մայիսի 28-ի կապակցությամբ»:

Աղբյուրը`   Արման Թաթոյան