Երևան`   +17 °C
Այսօր`   Երեքշաբթի, 28 հունիսի, 2022 թ.

«Առավոտյան մոտ տասը տղամարդ ներխուժել է Պավլիկ Մանուկյանի տուն և առևանգել նրան». Զ. Փոստանջյան

218
Շաբաթ, 28 մայիսի, 2022 թ., 09:42
«Առավոտյան մոտ տասը տղամարդ ներխուժել է Պավլիկ Մանուկյանի տուն և առևանգել նրան». Զ. Փոստանջյան

Փաստաբան Զարուհի Փոստանջյանը ֆեյսբուքյան իր էջում գրել է. «ՀՀ ԱԱԾ ՏՆՕՐԵՆԻՆ

ՀՀ ՈՍՏԻԿԱՆՈՒԹՅԱՆ ՊԵՏԻՆ

ՀՀ ԳԼԽԱՎՈՐ ԴԱՏԱԽԱԶԻՆ

ԴԻՄՈՒՄ-ՊԱՀԱՆՋ

Այսօր առավոտյան, ժամը 06:30-ին թվով տասը տղամարդ, որոնցից հինգը ոստիկանանի համազգեստով, ներխուժել են պաշտպանյալիս՝ Պավել Մանուկյանի տուն և առևանգելով նրան՝ տարել անհայտ ուղղությամբ:
Բռնապետության անօրինական այս գործողությունը տեղի է ունեցել առանց իրավական հիմքեր ներկայացնելու և առանց որևէ պարզաբանման:
Հարգելի պարոններ՝ Արմեն Աբազյան, Վահե Ղազարյան և Արթուր Դավթյան
Պահանջում եմ՝
1. Հրապարակել որոշումը, եթե իհարկե գոյություն ունի, համաձայն որի՝ իմ պաշտպանյալ Պավել Մանուկյանը զրկվել է անձնական ազատությունից,
2. Տրամադրել տեղեկատվություն Պավել Մանուկյանի գտնվելու վայրի վերաբերյալ,
3. Իսկ եթե դուք կապ չունենք Պավել Մանուկյանի առևանգման հետ, ապա հայտնեք՝ ինչ միջոցներ են ձեռնարկվում բացահայտելու ցեղասպան թուրքերի վայրագությունները Երևանում»: