«Ա՛յ ***, տե՞նց են ցավակցում». զոհվածի մայրը՝ Ջհանգիրյանին

«Ջհանգիրը եղած-չեղած իմ համար մեկա: Նա նույնիսկ ցավակցական տոն չուներ... «ցավակցում եմ, ծնողներ ջան». ա՛յ ստոր, տե՞նց են ցավակցում»,- դուրս գալով ԲԴԽ-ից՝ լրագրողների հետ զրույցում ասաց 44-օրյա պատերազմում զոհված Դավիթ Առուշանյանի մայրը: «Նիկոլը չի ասե՞լ՝ էդ ո՞վ ռիսկ կանի իմ ասածից դուրս գա, հետևաբար ոչ մեկն էլ ռիսկ չի անի որևէ բան անել նրա դեմ»,- հավելեց Լիդա Առուշանյանը:

Հիշեցնենք՝ զոհվածների հարազատները հանդիպում էին Գագիկ Ջհանգիրյանի հետ:

Հիշեցնենք նաև, որ «Դիմադրություն» շարժման մասնակիցները ԲԴԽ-ի մոտ են՝ աջակցելու զոհված զինծառայողների ծնողներին, որոնք բողոքի ակցիա են իրականացնում՝ վարչապետ Նիկոլ Փաշինյանի նկատմամբ «պետական դավաճանության հատկանիշներով» քրեական գործ հարուցելու պահանջով։

Զոհվածների հարազատները պահանջում են նաև, որպեսզի վարչապետ Նիկոլ Փաշինյանի դեմ քրեական գործ չհարուցելու որոշման դեմ բողոքի քննությունն անցկացվի դռնբաց։