Պուտինն աշխարհի ամենամիայնակ մարդն է. The Telegraph

The Telegraph-ը հոդված է հրապարակել «Պուտինի աղետալի պատերազմի» մասին, որը Ռուսաստանին մերկացրել է՝ որպես «երրորդ կարգի տերություն»։

Գործակալությունը գրում է, որ Վլադիմիր Պուտինն այժմ աշխարհի ամենամիայնակ մարդն է. «Երեք ամիս առաջ նա ներխուժեց Ուկրաինա՝ ապացուցելու, որ Ռուսաստանը դեռևս առաջին կարգի տերություն է, սակայն բացահայտվեց՝ որպես երրորդ կարգի տերություն»,- ասվում է հոդվածում:

Հրապարակման մեջ ասվում է նաև, որ նույնիսկ Պուտինի հավատարիմ փորձագետները փոխել են իրենց հռետորաբանությունը. «Պուտինը հույս ուներ իր փորձված՝ «բաժանիր, որ տիրես» մարտավարության հաջողության վրա, բայց, ի վերջո, նա իր դեմ համախմբեց ողջ քաղաքակիրթ աշխարհը: Նույնիսկ Պուտինի հավատարիմ «փորձագետները» և «քաղաքագետները» փոխել են իրենց հռետորաբանությունը և հայտարարել՝ Կրեմլի քաղաքականությունը կեղծ է».
Հրատարակությունը նշում է, որ Պուտինի քաղաքականությունը հանգեցրել է նրան, որ Շվեդիան ու Ֆինլանդիան ցանկանում են, որքան հնարավոր է, շուտ դառնալ ՆԱՏՕ-ի անդամ։

Աղբյուրը նաև պնդում է, որ ռուսական տնտեսությունն ընկել է «էլ ավելի խորը անկման մեջ», քանի որ Պուտինն, «ով պարտվել է դիվանագիտության մեջ, անկյուն է քշվել նաև տնտեսության ոլորտում»: