Հնդկական Infosys ընկերությունը հեռանում է Ռուսաստանից

Հնդկական Infosys ընկերությունն սկսել է բիզնեսը տեղափոխել Ռուսաստանից: Այս մասին հայտարարել է գործադիր տնօրեն Սալիլ Պարեխը: «Հաշվի առնելով այն, ինչ տեղի է ունենում տարածաշրջանում, մենք սկսել ենք մեր բիզնեսը և ամբողջ աշխատանքը տեղափոխել Ռուսաստանից»,- ասել է նա: Պարեխի խոսքով՝ ռուսների հետ հետագա աշխատանքի ծրագրեր դեռևս չկան։ Նա նաև հավելել է, որ ընկերությունն անհանգստացած է Ուկրաինայում տիրող իրավիճակով և 1 միլիոն դոլար է հատկացրել մարդասիրական օգնության համար։