Եվրոխորհրդարանը կոչ է արել անհապաղ էմբարգո սահմանել ռուսական էներգակիրների նկատմամբ

«Եվրոխորհրդարանի պատգամավորների ճնշող մեծամասնությունը կողմ է քվեարկել Ռուսաստանից նավթի, գազի, ածխի և այլ հանածո վառելանյութերի նկատմամբ անհապաղ և լիակատար էմբարգո սահմանելու պահանջով բանաձևի օգտին»: Այս մասին իր Twitter-ում գրել է Եվրոխորհրդարանի պատգամավոր Գայ Վերհոֆշտադը։

Նա տեղեկացրել է, որ փաստաթղթին կողմ է քվեարկել 552 պատգամավորներից 413-ը, ձեռնպահ են մնացել 46-ը, դեմ՝ 93-ը։

Ավելի վաղ Եվրոպական խորհրդի նախագահ Շառլ Միշելը հայտարարել էր, որ Եվրոպան վաղ թե ուշ կընդլայնի ռուսական նավթի ու գազի դեմ պատժամիջոցները։