Հայտնի է՝ երբ տեղի կունենա «Մանկական Եվրոտեսիլ»-ը
![]() Եվրոպական հեռարձակողների միությունը և Հայաստանի Հանրային հեռուստաընկերությունը ուրախ են տեղեկացնել, որ Մալենայի փայլուն հաղթանակից հետո «Մանկական Եվրոտեսիլ» երգի 20-րդ մրցույթը դեկտեմբերի 11-ին տեղի կունենա Երևանի Կարեն Դեմիրճյանի անվան մարզահամերգային համալիրում: Հանրային հեռուստաընկերության գործադիր տնօրեն Հովհաննես Մովսիսյանը նշում է. «Մեզ համար մեծ պատիվ է «Մանկական Եվրոտեսիլ» երգի 20-րդ մրցույթը հյուրընկալել աշխարհի ամենահին մայրաքաղաքներից մեկում՝ Երևանում: Հանրային հեռուստաընկերությունը և Եվրոպական հեռարձակողների միությունն անելու են առավելագույնը, որ հոբելյանական՝ 20-րդ «Մանկական Եվրոտեսիլն» իր կոնցեպտով և շոուով հիշարժան լինի թե՛ մրցույթի մասնակիցների, թե՛ բազմամիլիոնանոց հեռուստալսարանի համար: Մենք ջանք չենք խնայելու, որ տարեվերջին երաժշտական հրաշքն իրականություն դարձնենք Երևանում»: «Մանկական Եվրոտեսիլը» Երևանը հյուրընկալում է արդեն երկրորդ անգամ՝ 2011թվականին Վլադիմիր Արզումանյանի «Մամա» երգի հաղթանակից հետո: Հայաստանը «Մանկական Եվրատեսիլ» մրցույթի պատմության ամենահաջողակ երկներից մեկն է՝ 14 անգամ մասնակցել է և միշտ լավագույն տասնյակում տեղ է զբաղեցրել: «Մանկական Եվրոտեսիլի» գործադիր ղեկավար Մարտին Օսթերդալը նկատում է. «Հայաստանին հաղթանակ բերած տարբերվող ու ժամանակակից «Քամի-քամի» երգը նոր նշաձող է սահմանել մեր մրցույթում, և մենք կասկած չունենք, որ Հայաստանի Հանրային հեռուստաընկերությունը գերազանց շոու կկազմակերպի հոբելյանական այս տարում: Մենք ոգևորութամբ սպասում ենք Հանրային հեռուստաընկերության հետ ինտենսիվ աշխատանքին: Անհամբեր ենք տեսնելու, թե ինչպես են Երևանի մեր գործընկերները գործի դնելու այն բացառիկ ոգևորությունն ու ավյունը, որ ունեն «Մանկական Եվրոտեսիլ» մրցույթի հանդեպ»։ Միջոցառման մասին այլ մանրամասները կհրապարակվեն առաջիկա ամիսներին։ |
Արցախում աճել է ծնունդների թիվը. ինչ անուններ են նախընտրում ծնողները
125705.07.2022, 19:00«Գոնե տեղյա՞կ եք, որ ձեզնից շատերի երեխաները մինչև ականջները խրված են «ղումարի» մեջ». Սամվել Հայրապետյան
384126.04.2022, 00:30«Երեխաներն իրենց պատկերացրած Արցախն են նկարում». Արսեն Բաբայան (լուսանկար)
391722.04.2022, 14:54Հայտնի է՝ երբ տեղի կունենա «Մանկական Եվրոտեսիլ»-ը
479506.04.2022, 17:00Ռուսաստանն իրեն թույլ է տվել «ազգայնացնել» «Փեփփա խոզուկ»-ին. #The Sun
802213.03.2022, 23:36Disney-ը դադարեցնում է աշխատանքը Ռուսաստանում
1123711.03.2022, 00:42