World of Tanks-ի մշակողը հայտարարել է Ռուսաստանից և Բելառուսից հեռանալու մասին

Wargaming-ը՝ World of Tanks, World of Warships և ռազմական այլ խաղերի մշակողը, հայտարարել է Ռուսաստանից և Բելառուսից հեռանալու մասին, նշված է ընկերության կայքում տեղադրված հաղորդագրության տեքստում:

«Wargaming-ը վերանայել է բիզնես գործառույթներն ամբողջ աշխարհում: Ընկերությունը որոշել է, որ Ռուսաստանում և Բելառուսում որևէ բիզնես չի ունենա»,- նշված է տեքստում։