Պայթյուններ ու հրդեհ՝ Ուկրաինայի հետ սահմանակից Բելգորոդ քաղաքի նավթաբազայում
 Ռուսաստանի՝ Ուկրաինային սահմանակից Բելգորոդ քաղաքի նավթի պահեստում հրդեհ է բռնկվել, հայտնել է շրջանի նահանգապետ Վյաչեսլավ Գլադկովը։ Նա պնդում է, որ հրդեհն սկսվել է Ուկրաինայի զինված ուժերի երկու ուղղաթիռների ավիահարվածի պատճառով։ Տուժել է բազայի երկու աշխատակից, նրանց կյանքին ոչինչ չի սպառնում։ Նավթի պահեստը պատկանում է «Ռոսնեֆտ»-ին, ողջ անձնակազմը տարհանվել է: «Նավթի պահեստում հրդեհը տեղի է ունեցել Ուկրաինայի զինված ուժերի երկու ուղղաթիռների ավիահարվածի հետևանքով, որոնք Ռուսաստանի տարածք են մտել ցածր բարձրության վրա։ Զոհեր չկան... Բնակչությանը ոչինչ չի սպառնում»,- ասված է նահանգապետի հայտարարությունում։ Ռուսաստանի Արտակարգ իրավիճակների նախարարությունից էլ հայտնել են, որ նավթի պահեստում վառելիքով տանկեր են բռնկվել։ Բարդության երկրորդ աստիճանի հրդեհի մարմանը մասնակցել է մոտ 70 մարդ և 20 միավոր տեխնիկա։ Բելգորոդը գտնվում է Ուկրաինայի սահմանից մոտ 30 կմ հեռավորության վրա, իսկ Խարկովից 60 կմ հեռավորության վրա, որը պատերազմի առաջին օրերից ռմբակոծվում և գնդակոծվում է ռուսների կողմից։ Այս շաբաթ մի շարք պայթյուններ են տեղի ունեցել Բելգորոդի շրջանի Օկտյաբրսկի գյուղի տարածքում։ Ենթադրվում է, որ պայթյունները տեղի են ունեցել զինամթերքի պահեստում բռնկված հրդեհի հետևանքով: Զոհեր կամ վիրավորներ խաղաղ բնակչության շրջանում չկան։ |
Հնդկաստանում կրոնական փառատոնի ժամանակ վեց մարդ է զոհվել (տեսանյութ)
8212:31
Բոլիվիայում կամրջից ավտոբուսի ընկնելու հետևանքով 19 ուղևոր է զոհվել
11012:19
Այրել են հայտնի բժշկի ավտոտնակն ու կոմերցիոն տարածքը (տեսանյութ)
172Երեկ, 22:12
Թուրքիայում բազմահարկ շենքում հրդեհ է բռնկվել (տեսանյութ)
219Երեկ, 19:49
Թուրքիայում երկրաշարժ է գրանցվել
109Երեկ, 17:12
Մահացել է Արմեն Դուլյանը
115Երեկ, 15:48