Կազանի լողի աշխարհի առաջնությունը չեղարկվել է. ռուս լողորդները հեռացվել են մրցաշարերից

Լողի միջազգային ֆեդերացիան (FINA) որոշել է չեղարկել պատանեկան աշխարհի առաջնությունը, որը նախատեսված էր անցկացնել Կազանում։ Այս մասին հայտնում է կազմակերպության մամուլի ծառայությունը։
Մրցույթը պետք է անցկացվեր 2022 թվականի օգոստոսի 23-ից 28-ը։

Ավելի վաղ FINA-ն չեղարկել էր Կազանում սինխրոն լողի և ջրացատկի համաշխարհային մրցույթի փուլերը, որոնք պետք է անցկացվեին ապրիլի 8-ից 10-ը։ Նաև մարտի 8-ին Սանկտ Պետերբուրգում չի անցկացվել ջրագնդակի համաշխարհային լիգայի հանդիպումը Ռուսաստանի և Հունաստանի տղամարդկանց հավաքականների միջև։

FINA-ն նաև հայտարարել է, որ Ռուսաստանում նախատեսված բոլոր միջոցառումները գտնվում են կազմակերպության սերտ վերահսկողության ներքո։ Միաժամանակ դիտարկվում են այլընտրանքային վայրեր FINA-ի հովանու ներքո անցկացվող մրցաշարերում մարզիկների ելույթների համար։