Աշխատանքի միջազգային կազմակերպությունը դադարեցրել է Ռուսաստանի հետ համագործակցությունը

Աշխատանքի միջազգային կազմակերպությունը (ԱՄԿ) դադարեցրել է Ռուսաստանի հետ տեխնիկական համագործակցությունը՝ կապված Ուկրաինայում տիրող իրավիճակի հետ: Համապատասխան բանաձևին աջակցել են 52 ընտրողներից 42-ը, ասվում է ԱՄԿ-ի կայքում տեղադրված փաստաթղթից։

Բանաձևի համաձայն՝ ԱՄԿ-ն ժամանակավորապես կդադարեցնի «տեխնիկական համագործակցությունը կամ օգնությունը Ռուսաստանի կազմակերպությանը, բացառությամբ հումանիտար օգնության, մինչև հրադադարի համաձայնեցումը և խաղաղ կարգավորումը կյանքի կոչելը»։ Ռուսաստանի անկախ արհմիությունների ֆեդերացիայի (FNPR) փոխղեկավար Ալեքսանդր Շերշուկովը ՏԱՍՍ-ին ասել է, որ ԱՄԿ-ի նման որոշումը չի ազդի Ռուսաստանում աշխատողների իրավունքների վրա։ «Դուք պետք է հասկանաք, որ ԱՄԿ-ի այն կոնվենցիաները, որոնք վավերացրել է Ռուսաստանի Դաշնությունը, նրանք չեն դադարեցնում իրենց աշխատանքը, և մեր երկրում աշխատողների իրավունքներն այս տեսանկյունից պաշտպանված կլինեն նաև կոնվենցիաներով»,- ասել է Շերշուկովը:

Նա նաև ասել է, որ համագործակցության դադարեցման պատճառով ԱՄԿ-ի և Ռուսաստանի միջև 2021-2024 թվականների համագործակցության ծրագիրը, որը ստորագրվել է 2020 թվականին, կարող է փոխվել։ Շերշուկովը հույս է հայտնել, որ ապագայում ԱՄԿ-ի հետ գործընկերությունը կվերականգնվի։