#Christie's-ը, #Phillips-ը և #Sotheby's-ը կօգնեն գտնել պատժամիջոցների տակ գտնվող օլիգարխների ակտիվները

Երեք առաջատար աճուրդի տներ՝ Christie's-ը, Sotheby's-ը և Phillips-ը, կաջակցեն պատժամիջոցների տակ հայտնված ռուս «օլիգարխների» ունեցվածքի միջազգային հետաքննությանը, հաղորդում է ARTnews ամսագիրը՝ հղում անելով կայքերի ներկայացուցիչներին:

Պատժամիջոցների պատճառով աճուրդի տներին արգելվում է գործարքներ կնքել պատժամիջոցների տակ հայտնված ռուսների և արտասահմանում նրանց փոխկապակցված անձանց հետ։

Խնդրո առարկա միջազգային հետաքննությունը, որին անհրաժեշտության դեպքում կաջակցեն աճուրդի տները, կվարի հատուկ ստեղծված միջազգային խումբը, որը կոչվում է «Ռուսական էլիտաներ, վստահված անձինք և օլիգարխներ» (REPO): Այն ներառում է մի շարք երկրների ներկայացուցիչների, որոնք պատժամիջոցներ են սահմանել Ռուսաստանի դեմ, այդ թվում՝ ԱՄՆ գլխավոր դատախազ Մերիկ Գարլանդը, ԱՄՆ, Ֆրանսիայի, Գերմանիայի, Իտալիայի և Կանադայի ֆինանսների նախարարներ Ջանեթ Յելենը, Բրունո Լը Մերը, Քրիստիան Լինդները, Դանիել Ֆրանկոն և Քրիստիա Ֆրիլանդը, ԵՄ Արդարադատության հանձնակատար Դիդիե Ռեյնդերսը և այլք: