Ուկրաինայում զոհվել է ամերիկացի լրագրող, ռեժիսոր  Բրենթ Ռենոն

Ամերիկացի լրագրող, վավերագրող Բրենթ Ռենոն զոհվել է Իրպենում: Նա երկար տարիներ աշխատել է The New York Times-ում, սակայն Ուկրաինա է մեկնել ոչ որպես թերթի կողմից գործուղված լրագրող:

Բրենթ Ռենոն իր եղբոր՝ Քրեյգի հետ ֆիլմեր է նկարահանել հակամարտությունների գոտիներում, այդ թվում՝ Իրաքում և Աֆղանստանում։ Նրա աշխատանքներն արժանացել են հեղինակավոր մրցանակների։

Ավելի վաղ տեղեկություն էր տարածվել, որ ռուսական կողմի գնդակոծության հետևանքով զոհվել է Բրենդ Ռենոն, մեկ այլ լրագրող վիրավորվել է: