BBC-ն վերսկսում է հեռարձակումը Ռուսաստանից

Բրիտանական BBC հեռուստառադիոկորպորացիան վերսկսում է հաղորդումները Ռուսաստանից, որոնք ավելի վաղ դադարեցվել էին երկրում Ռուսաստանի Զինված ուժերի մասին կեղծիքները քրեականացնող նոր օրենքի ընդունման հետ կապված։

«Մենք դիտարկել ենք նոր օրենսդրության հետևանքները Ռուսաստանից զեկուցելու հրատապ անհրաժեշտության հետ մեկտեղ: Մանրակրկիտ քննարկումից հետո մենք որոշել ենք վերսկսել Ռուսաստանից անգլերենով հաղորդումը այն բանից հետո, երբ այն ժամանակավորապես դադարեցվել էր անցյալ շաբաթվա վերջին»,- ասել է BBC-ն:

«Մենք կներկայացնենք պատմության այս կարևոր մասն անկախ և անաչառ՝ հավատարիմ մնալով BBC-ի խիստ խմբագրական չափանիշներին: Ռուսաստանում մեր անձնակազմի անվտանգությունը մնում է մեր թիվ մեկ առաջնահերթությունը»,- ավելացրել է գործակալությունը:

Մարտի 4-ին BBC-ն կասեցրել էր Ռուսաստանում իր աշխատակիցների աշխատանքը՝ կապված ՌԴ Զինված ուժերի մասին կեղծիքների համար քրեական պատասխանատվության մինչև 15 տարվա ազատազրկման մասին ընդունված օրենքի հետ։